रगत भन्दा गाढा नाता भावनाको पाएको छु,
त्यसैले पहिलो भेटमै चोखो माया लाएको छु ।
सँगै बाँच्ने सँगै मर्ने कसम खाउँ कि बाचा गरुँ
यस्तो लाग्छ तिम्रै निम्ती यो धर्तीमा आएको छु।
तन टाढा भए पनि,मन सँगै छ झैँ लाग्छ,
एकै झल्को हेर्न सधैं दोबाटोमा धाएको छु ।
एकान्तमा सधैं तिम्रै यादले तड्पिन्छु र,
बिरही भाखाको गीत दिन रात गाएको छु।
आउँ गरौँ बाचा जिऔँ सँगै मरौ सँगै,
यसै परी तिमी भित्र ''सान''बनी छाएको छु।।
